Syed Zulfiqar Haider

سلطانِ کربلا

سلطانِ کربلا کو ہمارا سلام ہو

جانِ مصطفٰی کو ہمارا سلام ہو

عباسِ نامدار ہیں زخموں سے چُور چُور

اُس پیکرِ رضا کو ہمارا سلام ہو

اکبر سے نوجوان بھی رن میں ہوئے شہید

ہمشکل مصطفٰی کو ہمارا سلام ہو

بھائی بھتیجے بھانجے سب ہو گئے نثار

ہر لالِ بے بہا کو ہمارا سلام ہو

اصغر کی ننھی جان پہ لاکھوں درود ہوں

مظلوم و بے خطا کو ہمارا سلام ہو

ہو کر شہید قوم کی کشتی تیرا گئے

امتِ کے ناخدا کو ہمارا سلام ہو

ناصر ولائےِ شاہ میں کہتا ہے بار بار

مہمانِ کربلا کو ہمارا سلام ہو