Syed Zulfiqar Haider

نعت شریف

میں سو جاوَں یا مصطفٰی کہتے کہتے

کھلے آنکھ صلی علی کہتے کہتے

ستم پہ ستم سہہ گئے دشمنوں کے

حبیبِ خدا یا خدا کہتے کہتے

گزرتے تھے کانٹے بھرے راستوں سے

رسولِ خدا مرحبا مرحبا کہتے کہتے

ہوئے سرخرو آپ ہر معرکے میں

فقط ربنا ربنا کہتے کہتے

اندھیروں سے ہم نے کیا ہے اجالا

عقیدت سے نور الہدی کہتے کہتے

دلِ مضطرب کو قرار آ گیا ہے

شب و روز یا مجتبی کہتے کہتے

مصیبت کے مارو کٹھن منزلوں سے

گزر جاوَ یا مصطفی کہتے کہتے