Syed Zulfiqar Haider

نعت رسول مقبول

یا محمد نور مجسم یا حبیبی یا مولائی

تصویر کمال محبت تنویر جمال خدائی

تیرا وصف بیاں ہو کس سے تیری کون کرے گا بڑائی

اس گرد سفر میں گم ہے جبرئیل امیں کی رسائی

تیری ایک نظر کے طالب تیرے ایک سخن پہ قرباں

یہ سب تیرے دیوانے یہ سب تیرے شیدائی

ما اجملک تیری صورت ما احسنک تیری سیرت

ما اکملک تیری عظمت تیری ذات میں گم ہے خدائی

تو رئیس روز شفاعت تو امیر لطف و عنایت

ہے ادیب کو تجھ سے نسبت یہ غلام ہے تو آقائی