Syed Zulfiqar Haider

نعت شریف

مینوں مجبوریاں تے دوریاں نے ماریا

صد لو مدینے آقا کرو مہربانیاں

ڈاڈا ہاں غریب آقا کول میرے ذر نہیں

اڈھ کہ میں کیویں آواں کول میرے پر نہیں

تساں تے ہے ڈیڑھا میتھوں بڑی دور لا لیا

صد لو مدینے آقا کرو مہربانیاں

کون جا کہ دسے سوہنے اللٰہ دے حبیب نوں

صد لو دووارے اُتے دکھیا غریب نوں

میرے تے تے ڈیرا بد نصیبیاں نے لا لیا

صد لو مدینے آقا کرو مہربانیاں

جا کہ کدی ویکھاں سوہنے گنبد دیاں ہریالیاں

پھر میں نیازی چُماں روضے دیاں جالیاں

اپنا تے رونا سارا شیراں وچ سنا لیا

صد لو مدینے آقا کرو مہربانیاں

طیبہ دے دیدار باجوں دل نہیں لگدا

تیر ہے جدائی والا نت سینے وچ وجدا

ایہناں سوچاں وچ روگ جندھڑی نوں لا لیا

صد لو مدینے آقا کرو مہربانیاں