Syed Zulfiqar Haider

نعت شریف

سوئے طیبہ جانے والو مجھے چھوڑ کر نہ جانا

میری آنکھوں کو دکھا شاہ دین کا آستانہ

سوئے طیبہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیں وہ جالیاں سنہری میری حسرتوں محور

وہ سہارا مجھ کو دیں گے جو ہیں خاص رب کے دلبر

مجھے پہنچ کر مدینے نہیں لوٹ کر ہے آنا

سوئے طیبہ جانے والو مجھے چھوڑ کر نہ جانا

میں تڑپ رہا ہوں میری بے بسی تو دیکھو

میں اسیر رنج و غم ہوں میری بے کلی تو دیکھو

ذرا روضہ نبی کا مجھے راستہ دکھانا

سوئے طیبہ جانے والو مجھے چھوڑ کر نہ جانا

در مصطفی پہ میری جب حاضری لگے گی

مجھے پھر کرم سے ان کے نئی زندگی ملے گی

میرے لب پہ رات دن ہو شاہ بطخہ ترانہ

سوئے طیبہ جانے والو مجھے چھوڑ کر نہ جانا

کوئی کل کے ایک پل کا نہیں کچھ بھی ہے بھروسہ

مجھے ہمسفر بنا لو کہیں رہ نہ جاوَں تنہا

در مسطفٰی ہے عشرت میرا آخری ٹھکانہ

سوئے طیبہ جانے والو مجھے چھوڑ کر نہ جانا