Syed Zulfiqar Haider

نعت شریف

کونین دے والی دا دربار بڑا سوہنا

سوں رب دی مدینے دا دربار بڑا سوہنا

دنیا دے آں سفراں تو بندہ تھک وی تے جاندا اے

پر سفر مدینے دا ہر بار بڑا سوہنا

سب رستے مدینے دے سانوں جان تو ودھ پیارے

جیہڑا روضے نوں جاندا اے بازار بڑا سوہنا

مسجدِ نبوی دی ہر چیز بڑی پیاری

جیہڑا روضے نل جڑیا مینار بڑا سوہنا

صدیق عمر عثمان حیدر تو میں واری جاں

میرے سوہنے سوہنے آقا دا ہر یار بڑا سوہنا

ویکھو نہ ظہوری نوں نصبت نوں ذرا ویکھو

میں کوہجا ہاں پر میرا غمخوار بڑا سوہنا