Syed Zulfiqar Haider

نعت شریف

لکھ رہا ہوں نعت سرور سبز گنبد دیکھ کر

کیف طاری ہے قلم پر سبز گنبد دیکھ کر

ہے مقدر یاوری پر سبز گنبد دیکھ کر

پھر نہ کیوں جھومے ثناء گر سبز گنبد دیکھ کر

مسجدِ نبوی پہ پہنچے مرحبا صلیِ علیٰ

ہو گیا جاری زبان پر سبز گنبد دیکھ کر

آپ سے بس آپ ہی کو مانگتا ہے یا نبی

آپ کا ادنی ثناء گر سبز گنبد دیکھ کر

دھوپ روزانہ مدینہ چومتی ہے جھوم کر

اور لپٹ جاتی ہے جا کر سبز گنبد دیکھ کر

اے عطار  تجھ سے اتنا بھی نہ ہو سکا

جان کر دیتے نچھاور سبز گنبد دیکھ کر