Syed Zulfiqar Haider

معلوم نہیں کیا کہتی ہے

اُس کا انداز کیا کہتا ہے خشک زبان کیا کہتی ہے

ٹوٹے ارمان کیا کہتے ہیں جھکی نظر کیا کہتی ہے

اظہارِ بیان کیسا سادہ ہے پر کیسی ہے کشمکش

اگرچہ ساغر پاس ہے لبوں کی پیاس معلوم نہیں کیا کہتی ہے

کسی کو چاہتی ہے سب سے چھپا کر اپنا ارمان بنا کر

رات کو چاند دیکھتی ہے حیا کی چادر اوڑھ کر

تلاش اس میں اپنے محبوب کو کرے سپنوں میں کھو کر

کھوئی ہوئی نگاہ شام سے معلوم نہیں کیا کہتی ہے

اپنا سب کچھ اسی کو جانے اپنی سحر و شب مانے

موسم اسی کے دم سے ہیں خوشگوار دل بہار اس کے

نرم و نازک سی وہ چنچل اس انجان کو اپنی زندگی جانے

زلفوں میں اس کے ہاتھوں کی جنبش اس پل سے معلوم نہیں کیا کہتی ہے

اک دن کی قربت اس کی زندگی پر چھا گئی

بچھڑنے والے وہ لمحات اسے عجب سا انتظار دے گئے

ریگستان میں سراب کی طرح اپنے محبوب کو وہ نادان پائے

محبت کی ریت پر جلتی ہوئی صورت معلوم نہیں کیا کہتی ہے

شاعر: سید ذوالفقار حیدر http://hamariweb.com/poetries/Poetry.aspx?id=87329